Samespraak – bekendstelling van webblad vir nagraadse studiegroep vir Afrikaans en Nederlands

door Alwyn Roux

Twee maande gelede het ek ’n pleidooi vir die oprig van ’n aanlyn nagraadse studiegroep vir Afrikaans en Nederlands gelewer. Ek is opgewonde om aan te kondig dat die Samespraakwebblad op 1 September geloods is. Remona Voges het die ontwerp van die webblad behartig.

Die oogmerk van Samespraak is die kweek van belangstelling in die vergelykende bestudering van Afrikaanse en Nederlandse letterkunde. Samespraak bied ʼn aanlyn platform vir nagraadse studente en postdoktorale ondersoekers van die Lae Lande en Suid-Afrika (maar ook Pole, Tsjeggië, Duitsland, Namibië, Suriname, Curacao en Aruba) waarop seminare, leesgroepe en werkswinkels gefasiliteer word. Altesaam agt lesings word vir die 2021-studiejaar beplan, wat strek van Januarie tot November 2021. Alfred Schaffer is Samespraak se eerste skrywer in residensie en ʼn spesiale skrywerswerkswinkel word vir Mei 2021 in die vooruitsig gestel.

Die vereiste vir deelname is dat kandidate vir ’n MA of PhD in Afrikaans en/of Nederlands by ’n universiteit geregistreer moet wees. Postdoktorale ondersoekers en akademici wat belangstel in die vergelyking van Afrikaanse en Nederlandse letterkunde word ook uitgenooi om deel te neem.

Indien jy belangstel om deel te word van die Samespraakgemeenskap, voltooi asseblief die vorm op die Samespraakwebtuiste voor of op Maandag 16 November 2020. Volg ons Facebook en Instagram vir sosiale media.

Alwyn Roux, namens die Samespraakbestuur

Nederlandse versie:

Samespraak – Bekendmaking van website voor gevorderde studiegroep voor Afrikaans en Nederlands

Twee maanden geleden heb ik een pleidooi gehouden voor het oprichten van een online gevorderde studiegroep voor Afrikaans en Nederlands. Ik ben blij om aan te mogen kondigen dat de website van Samespraak op 1 september online is gegaan. Remona Voges heeft de website ontworpen.

Het oogmerk van Samespraak is om belangstelling te kweken voor een vergelijkende bestudering van Afrikaanse en Nederlandse letterkunde. Samespraak biedt een online platform voor gevorderde studenten en postdoctorale onderzoekers uit de Lage Landen en Zuid-Afrika (maar ook uit Polen, Tsjechië, Duitsland, Namibië, Suriname, Curaçao en Aruba) waarop seminars, leesgroepen en workshops gefaciliteerd kunnen worden. Voor het studiejaar 2021 worden in totaal acht lezingen gepland, van januari tot november 2021. Alfred Schaffer zal de eerste schrijver in residence zijn en voor mei 2021 wordt een speciale schrijversworkshop voorbereid.

De eis voor deelname is dat een kandidaat geregistreerd moet staan voor een (R)MA of PhD in Afrikaans en/of Nederlands bij een universiteit. Ook postdocs en academici met een belangstelling in vergelijkende Afrikaanse en Nederlandse letterkunde worden uitgenodigd om deel te nemen.

Wie belangstelling heeft om deel te worden van de Samespraakgemeenschap kan het formulier op de website invullen vóór of op maandag 16 november 2020. Samespraak is ook te volgen op Facebook en Instagram.

Alwyn Roux, namens het bestuur van Samespraak.